Ja góðan daginn hér...
Eitthvað varð ég að gera mér til dægrastyttinga
þar sem sambýliskona mín liggur í fastasvefni og er búin að vera
utan þjónustusvæðis síðasta eina og hálfa tímann, klukkan er
20:20!
Miðvikudagsmorgunn hinn síðasta vöknuðum við upp
við mjög svo velkomna hringingu. Maðurinn í símanum tjáði okkur það
að við værum hér með komnar með vinnu hjá Vikargruppen í Danmark
sem er afleysingaskrifstofa. Við þáðum starfið með þökkum og
byrjuðum strax á fimmtudaginn að þurrka af stólum... Sem hefði
ekkert verið neitt það slæmt... nema ef það hefði ekki verið í
PARKEN þar sem eru um 45.000 slíkir!!! Það sem við vorum búnar í
grindinni eftir daginn, ég segi ekki meir! En þetta var sem sagt
liður í Undirbúningi fyrir Justin Timberlake tónleikana sem voru
svo þar á laugardaginn. Sunnudagsmorguninn mættum við svo galvaskar
klukkan 6. aftur og týndum ALLT rusl á vellinum sem var í verulega
miklu meira lagi! Takk fyrir túkall!
Eins og maður hafi ekki verið búin að fá nóg af
þrifum fyrir lífstíð eftir þetta, þá hefur okkur verið plantað í
skúringar í allt sumar. Kannski ekkert það allra skemmtilegasta en
djöfulli vel borgað sem er nú fyrir öllu,(meira til að eyða, eða
spara eftir því hvernig skapi við erum í 
Erum að vinna í
risa lyfjafyrirtæki, reyndar í sitthvorri byggingunni en hittumst
alltaf í hádeginu. Ég var t.d. að þrífa rottubúr og sniglahús í gær
á meðan Ester var að þrífa í e-m gasklefa 
Allt voða dúbíus og
leynilegt! Afskaplega almennilegt fólk þarna samt sem vill allt
fyrir okkur gera. Reyndar einhver smá misskilningur í gangi um að
við séum kærustur eeeeen við erum ekkert að ergja okkur yfir því
Um helgina skelltum við okkur á smá djemm.
Byrjuðum í kjúkling og frönskum hér heima (já... við borðum það án
gríns á hverjum degi afþví að við kunnum ekkert annað ) og
skáluðum í breezer yfir matnum Fengum smá heimsókn frá Hildi og
Adda en þau voru fljót að forða sér þegar þau sáum í hvað stefndi
Eftir gott GRÆJ skelltum við okkur upp í einhvern strætó og
enduðum einvhers staðar langt frá allri siðmenningu. EN þar sem við
vorum með eindæmum hressar ákváðum við að rölta þessa 40 mín. leið
niður í bæ. Stoppuðum og sníktum bjór á nokkrum stöðum á leiðinni
t.d. á e-m kínastað og Ester ruglaði heilan helling í gæjum frá
Hong Kong.
Ester og kínagaurinn bjórglaði
Héldum áfram að spara og enn fann Ester partý, nú
í e-m svona Pakistana klúbbi, sem var mjööööög spes, á
Åboulevard. þar fengum við bjór og kex en ákváðum svo að láta okkur
hverfa þegar þeir voru orðnir aðeins of ánægðir með okkur
Löbbuðum niður í bæ þar sem við hittum meðal annars e-a löggu sem
hét Timon og fullt af rugluðu liði. Ester ekki alveg á því að fara
að sofa þegar við komum heim en mér tókst að svæfa hana á
endanum.
Stína IN DA CLUB!! HAHAHAHA
Hildur systir hafði áhyggjur af félagslegri
einangrun okkar hérna í íbúðinni þar sem allir hlutir heita
mannanöfnum svo að hún tók okkur út að hitta vini þeirra Adda á
laugardaginn. Við vorum við öllu búnar í gammó og stíbbó í eins
peysum og jökkum en enduðum á því að sitja inn á bar með dönnuðu
fólki allt kvöldið og sötra öl, frekar hallærislegar en þetta var
samt fínt Reyndar ekkert svo hressar í Parken 4 tímum
seinna en það er gleymt og grafið. Addi hjálpaði okkur svo að
"ættleiða" tvö ný hjól á leiðinni heim þannig að nú erum við
andskoti vel ríðandi á blökkum fákum 
Jæja ætli ég láti þetta ekki gott heita, er að
verða ansi þreytt og þetta orðið alltof langt. Erum í þvílíkum
erfiðleikum með þennan svefntíma!
Kveðjur heim á klakann, Ester talar upp úr svefni
og heilsar líka
Stína fína